რუსული პროპაგანდისტული ქსელი კავკასიის სამ ქვეყანაში

რუსული ქსელი, რომელიც ივანიშვილის დაჯგუფებისა და მმართველი გუნდის ანტიდასავლურ პროპაგანდას იმეორებს. სოციალურ ქსელებში გამოვლინდა ანგარიშები, რომლის შინაარსი ერთმანეთს ემთხვევა, კოორდინირებულად მოქმედებს რამდენიმე ვებ გვერდიც. ქსელი სამართლიანმა არჩევნებმა გაშიფრა. საქართველოში, აზერბაიჯანსა და სომხეთში რუსული საინფორმაციო ოპერაცია უკრაინაში პუტინის შეჭრის შემდეგ დაიწყო. ყველა ამ ყალბი გვერდის თუ საინფორმაციო სააგენტოდ გადაკეთებული ანგარიშის მიზანია რუსეთის ძლიერ მოკავშირედ წარმოჩენა, ევროკავშირსა და ამერიკის შესახებ კი დეზინფორმაციისა და პროპაგანდის გავრცელება. მეორე ფრონტი, ამერიკის დაფინანსებული ენჯეოები, დასავლეთის ჩარევა შიდა პოლიტიკაში - მოკლედ რუსული ქსელი, ქართული ოცნების ანტიდასავლურ კამპანიას საეჭვოდ ემთხვევა.