სამტრედიაში, კაცს მატარებელი დაეჯახა, რის შედეგადაც იგი ადგილზე გარდაიცვალა. შემთხვევა რამდენიმე წუთის წინ მოხდა.
არსებული ინფორმაციით, მემანქანემ კაცს ხმოვანი სიგნალით რამდენჯერმე ანიშნა, თუმცა სავარაუდოდ, მან რეაგირება ვერ მოასწრო.
ადგილზე სამართალდამცველები არიან მობილიზებული.
როგორც „ფორმულას“ შინაგან საქმეთა სამინისტროში განუცხადეს, გამოძიება სისხლის სამართლის კოდექსის 275-ე მუხლის მე-4 ნაწილით მიმდინარეობს (რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ადამიანის სიცოცხლის მოსპობა გამოიწვია).
დახურვა