სირიის ჩრდილო-დასავლეთით რუსეთის ავიაიერიშებს, სულ მცირე, 18 ადამიანის სიცოცხლე ემსხვერპლა. არიან დაშავებულებიც. ადგილობრივებისა და მაშველების განმარტებით, შექმნილი ვითარების გამო ათი ათასობით ადამიანი თურქეთის საზღვრისკენ დაიძრა.
ავიაიერიშებს ემსხვერპლა ერთი ოჯახის 8 წევრი, მათ შორის 6 მცირეწლოვანია.
რუსეთის მიერ მხარდაჭერილი სირიის მთავრობა მშვიდობიანი მოსახლეობის დაბომბვის შესახებ ბრალდებებს უარყოფს და ირწმუნება, რომ მხოლოდ ჯიჰადისტებს ებრძვის.
დახურვა