აშშ-ის პრეზიდენტმა, დონალდ ტრაპმა ჟურნალისტებთან საუბრისას განაცხადა, რომ უნგრეთის პრემიერმინისტრმა, ვიქტორ ორბანმა მას რუსულ ნავთობზე ამერიკული სანქციებისგან შეღავათი სთხოვა, თუმცა ვაშინგტონს ეს მოთხოვნა არ დაუკმაყოფილებია.
"ვიქტორ ორბანმა რუსულ ნავთობზე დაწესებული აშშ-ის სანქციებისგან გათავისუფლება მოითხოვა.
ჩვენ ეს არ დაგვიმტკიცებია, მაგრამ მან ეს ითხოვა", - თქვა ტრამპმა.
უნგრეთის პრემიერ-მინისტრმა ვიქტორ ორბანმა გუშინ განაცხადა, რომ იმედოვნებს, დაარწმუნოს პრეზიდენტი დონალდ ტრამპი, რომ უნგრეთს მიენიჭოს გამონაკლისი რუსულ ნავთობზე აშშ-ის სანქციებისგან.
ამის მიზეზად მან რუსულ ნავთობზე მაღალი დამოკიდებულება დაასახელა.
ორბანის თქმით, ის 7 ნოემბერს, ტრამპთან დაგეგმილ შეხვედრაზე განიხილავს აშშ-ის სანქციებს რუსულ ნავთობკომპანიებზე, კერძოდ "რუსნეფტსა" და "ლუკოილზე."
აღნიშნულ კომპანიებს სანქციები ტრამპმა 22 ოქტომბერს დაუწესა.
დახურვა