უკრაინის შეიარაღებული ძალების გენერალური შტაბის მონაცემებით, რუსეთის უკრაინაში შეჭრის შემდეგ, 24 თებერვლიდან 22 აპრილამდე პერიოდში, რუსული მხარის დანაკარგი 21 200-მდე ჯარისკაცია.
უწყების ცნობით, საბრძოლო მოქმედებების განმავლობაში უკრაინის შეიარაღებულმა ძალებმა რუსეთის 838 ტანკი, 2 162 ჯავშანტექნიკა, 397 საარტილერიო სისტემა, 138 სარაკეტო სისტემა და 67 საზენიტო საბრძოლო სისტემა გაანადგურეს.
ამასთანავე, გენშტაბში აცხადებენ, რომ განადგურებულია რუსეთის 176 თვითმფრინავი, 153 ვერტმფრენი, 1 523 საავტომობილო ტექნიკა, 172 ოპერატიულ-ტაქტიკური უპილოტო საფრენი აპარატი და 8 ერთეული გემი/ნავი.
დახურვა