უკრაინის უსაფრთხოების სამსახურის სპეციალურმა დანაყოფებმა უპილოტო საფრენი აპარატების გამოყენებით ძლიერი დარტყმა მიაყენეს რუსულ ავიაბაზა „საკის“, რომელიც ოკუპირებულ ყირიმში მდებარეობს, - ინფორმაციას უწყება თავად ავრცელებს.
შეტევა 4 აგვისტოს ღამით განხორციელდა და დაზიანდა სულ მცირე ხუთი სამხედრო თვითმფრინავი, მათ შორის - ერთი Су-30СМ სრულად განადგურდა, მეორე კი სერიოზულად დაზიანდა. ასევე დაზიანებულია სამი Су-24 ტიპის ბომბდამშენი და ავიაციის შეიარაღების საწყობი.
СБУ აღნიშნავს, რომ ეს ერთ-ერთი ყველაზე მასშტაბური იერიშია რუსეთის სამხედრო ინფრასტრუქტურაზე შავი ზღვის რეგიონში. Су-30СМ-ის სავარაუდო ღირებულება 35–50 მილიონ აშშ დოლარს შეადგენს. უკრაინული მხარის ინფორმაციით, ამ ოპერაციამ მნიშვნელოვნად შეაფერხა რუსეთის ავიაგამოყენების შესაძლებლობები.
დახურვა