საქართველოში გერმანიის ელჩი პიტერ ფიშერი X-ზე პოსტით ეხმაურება ქართული ოცნების პრემიერის ირაკლი კობახიძის მიერ ევროპელ პარტნიორებთან დაკავშირებით გაკეთებულ განცხადებას.
ის წერს, რომ ნაცისტურ გერმანიასთან დაკავშირებული ტერმინების გამოყენება მორალურად არასწორია.
"ვიმეორებ იმას, რაც აქ უკვე მანამდე განვაცხადე, გერმანია ეწინააღმდეგება ნაცისტურ გერმანიასთან დაკავშირებული ტერმინებისა და შედარებების გამოყენებას, რომლებიც ისტორიულად, პოლიტიკურად და მორალურად არასწორია, რადგან ისინი ამცირებენ მსხვერპლთა ღირსებას და ქმნიან ცრუ შთაბეჭდილებებს", - წერს ელჩი X-ზე.
ქართული ოცნების პრემიერმა დღეს ეუთო/ოდირის განცხადების შეფასებისას თქვა, რომ "გებელსისეული პროპაგანდის გაგრძელებაა სამარცხვინო ტყუილები და განცხადებები, რასაც ევროპული ბიუროკრატიის მხრიდან ვისმენთ".
I repeat what I have said here before: objects to use of terms & comparisons related to Nazi-Germany that are historically, politically & morally wrong because they demean the victims & raise false implications. pic.twitter.com/tFaCuFmJOf
დახურვა