კვლევითი ორგანიზაცია "ფლანგვის დეტექტორის" ინფორმაციით, კომპანია შპს “ბეტკომ“, რომლის მფლობელებმაც 2014 წელს "ქართულ ოცნებას" ჯამში 120,000 ლარი შესწირეს, 2013 წლიდან დღემდე 58 ტენდერი მოიგო, რომელთა ჯამური ღირებულება 18 მილიონ ლარს აღემატება.
„ფლანგვის დეტექტორის“ ინფორმაციით, შპს "ბეტკოს" მიერ მოგებული 58 ტენდერიდან, 16-ში კომპანიამ კონკურენტის გარეშე გაიმარჯვა, 14-ში კონკურენტი კომპანიების დისკვალიფიკაციის ხარჯზე, ხოლო 28 ტენდერი სწრაფი ფასის კლებითა და დაბალი ფასებით მოიგო.
„თავად შპს "ბეტკო" 17 ტენდერიდან არის დისკვალიფიცირებული. ასეთი შემთხვევების უმრავლესობა იმ კომპანიებთან მოხდა, რომლებიც ასევე ოცნების შემომწირველები ან ბიძინა ივანიშვილთან დაახლოებული პირები არიან. ასეთებია მაგალითად შპს "ჯ და ჯ", შპს "დაგი+", შპს "ბორანი". ასევე ინდივიდუალური მეწარმე მურმან ტოგონიძე, რომელიც ბიძინა ივანიშვილის დის, მაგული ივანიშვილის, ნათესავია. სავარაუდოა, რომ ხდება ტენდერების გადათამაშება, ოცნებასთან დაახლოებულ კომპანიასა თუ ინდ. მეწარმეებთან. კომპანიას 3,832,102 ლარის ღირებულების ისეთი ტენდერი აქვს მოგებული, სადაც კონკურენტი არ ჰყოლია“, - ნათქვამია კვლევითი ორგანიზაციის მიერ გავრცელებულ ინფორმაციაში.
დახურვა