ირაკლი ღარიბაშვილის შეფასებით, ოპოზიცია ილუზიებშია, როცა ე.წ ჩრდილოვან - კოალიციური კაბინეტზე ლაპარაკობს.
პრემიერმინისტრმა თქვა, რომ ენმ-ის ხელისუფლების დროს ქვეყანაში დიქტატორული რეჟიმი იყი, ამიტომ პარტიის კანდიდატს, ნიკა მელიას მერობის არჩევნებში დამარცხება გარანტირებული აქვს.
ღარიბაშვილმა მელიას მიმართ შეურაცხმყოფელი ეპითეტებიც არ დაიშურა.
"ეს დაახლოებით მახსენებს იმ საზარელ და ტრაგიკულ დღეებს ჩვენი ქვეყნის ისტორიაში, როდესაც უბედური და ტრაგიკული დღეები გვქონდა ქვეყანაში აგვისტოს ომის დროს, გამოვიდნენ რუსთაველზე, გამოიყვანეს საცოდავი ჩვენი ხალხი და „მიშა, მიშა“ აძახებინეს და კონცერტი გამართეს. ეს ხალხი არის ნაცმოძრაობა.
ნუთუ დაგავიწყდათ, ვის ხელში ვიყავით მთელი ქვეყანა, როგორი დიქტატორული რეჟიმი სუფევდა ქვეყანაში. ამ ადამიანებისგან რომელ ჩრდილოვან კაბინეტზეა საუბარი, არასერიოზულობაა უბრალოდ. მელიას გარანტირებული წაგება აქვს ქალაქში. როგორ შეიძლება მელია გახდეს მერი, ჩვეულებრივი კრიმინალია კაცი. ასევე, სამარცხვინოა, რომ ასეთი კრიმინალები დღეს ჯერ კიდევ რჩებიან პოლიტიკაში. ეს ჩვეულებრივი თეატრია. თავის თავს აჯერებენ, ისევე, როგორც სააკაშვილმა თავისი თავი დააჯერა, რომ აქ ჩამოვიდოდა, მთელი მოსახლეობა დახვდებოდა ტაშით და ჰქონდა ილუზიები, რომ არ აღმოჩნდებოდა იქ, სადაც აღმოჩნდა, ასეთივე ილუზიებში ცხოვრობენ მელია და სხვები". - თქვა მან.
დღეს, 20 ოქტომბერს, 21:00 საათზე ოპოზიცია თბილისის კოალიციურ მთავრობას წარადგენს. ეს არის გეგმა და 30-მდე პოზიციაზე კანდიდატების განაწილება იმ შემთხვევაში, თუ თბილისის მერი ნიკა მელია გახდება და ოპოზიცია გაიმარჯვებს.
დახურვა