შტატ კენტუკის მერის, ენდი ბეშირის ინფორმაციით, პარასკევს გვიან ღამით კენტუკის სამხრეთ-დასავლეთში ქარიშხლის შედეგად მინიმუმ 50 ადამიანი დაიღუპა. შტატის მასშტაბით საგანგებო მდგომარეობა გამოცხადდა. ინფორმაციას CNN ავრცელებს.
„ვფიქრობთ, რომ ამ მოვლენის შედეგად გარდაცვლილთა რიცხვი გადააჭარბებს 50-ს და დაახლოებით 70-დან 100-მდე დაკარგული სიცოცხლე გვექნება“ - განაცხადა ბეშირმა დღეს გამართულ ბრიფინგზე.
კენტუკის გუბერნატორმა აღნიშნა, რომ ეს შტატის ისტორიაში ყველაზე სასტიკი ტორნადო იყო.
პირველადი გამოძიების მიხედვით, შტატს, სავარაუდოდ, 4-მა ტორნადომ გადაუარა. დაზარალდა შტატის დასავლეთ ნაწილში არსებული 15 ოლქი. ყველაზე დიდი ზიანი მიადგა გრეივის ოლქს, მათ შორის ქალაქ მეიფილდს.
ეს ტორნადოები ნაწილია იმ ძლიერი ქარიშხლებისა, რომლებიც აშშ-ის ცენტრალურ ნაწილში პარასკევს გამოჩნდნენ. ოფიციალური წყაროების მიხედვით, მინიმუმ 19-მა ტორნადომ აშშ-ის 5 შტატს გადაუარა და თითოეულს დიდი მატერიალური ზიანი მიაყენა.
დახურვა