ძალადობრივი, პრორუსული ჯგუფის ლიდერი, კონსტანტინე მორგოშია გამოცემა ტაბულას მისამართს არკვევს.
მან ფეისბუქზე დაწერა:
"ტაბულას ოფისი სად არის? ვინმემ თუ იცით, დაწერეთ რა. ოღონდ 100%-ით ვინც იცით".
ფეისბუქის ერთ-ერთმა მომხმარებელმა მას სავარაუდო მისამართი დაუწერა, რაზეც მორგოშიამ უპასუხა:
"მადლობა, მანდაც ვნახავ".
ტაბულა შსს-ს მოუწოდებს, უზრუნველყოს მედიის თანამშრომლების უსაფრთხოება.
კონსტანტინე მორგოშია 5 ივლისს, ჰომოფობიურ ნიადაგზე, მედიასა და აქტივისტებზე ფიზიკური ძალადობის ერთ-ერთი ორგანიზატორია. ხელისუფლებას ის არ დაუსჯია, ისევე, როგორც ძალადობის არც ერთი სხვა ინიციატორი.
დღეს, 22 დეკემბერს თბილისის საქალაქო სასამართლოს მოსამართლემ, დავით მგელიაშვილმა Tbilisi Pride-ის ოფისში შეჭრისთვის ბრალდებული 3 ადამიანი გირაოთი 5000-5000-ლარიანი გაათავისუფლა.
დახურვა