ბათუმში, მელიქიშვილის ქუჩაზე, საცხობი და სწრაფი კვების ობიექტი გატეხეს. ობიექტის მეპატრონის თქმით, 3 მძარცველი იყო და 100 ლარი აქვთ წაღებული.
"დილით რომ მოვედი, ფანჯარა გატეხილი დამხვდა. წაღებულია 100 ლარი. დავეკითხე გვერდით ობიექტს და მათი მაღაზია არ იყო გატეხილი, მხოლოდ კარი იყო ნაწვალები. გამოვიძახეთ 112",-აღნიშნა მეპატრონემ.
როგორც ფორმულას შინაგან საქმეთა სამინისტროში განუცხადეს, გამოძიება 177-ე მუხლით დაიწყო, რაც ქურდობას გულისხმობს.
დახურვა