ხუთი დღე ევროკომისიაში სტატუსზე გადაწყვეტილების მიღებამდე

ევროკომისიაში სტატუსზე გადაწყვეტილების მიღებამდე ხუთი დღით ადრე თბილისიდან კიდევ ერთი მიმართვა გაიგზავნა. სამოქალაქო სექტორის ერთიანი პოზიციის შემდეგ, საერთო განცხადებით ევროკომისიის პრეზიდენტს ოპოზიციონერმა ქალებმა მიმართეს, თხოვნა - ქვეყნისთვის კანდიდატის სტატუსის მინიჭებაა. დეპუტატები წერენ, რომ  ფუნდამენტური რეფორმები კვლავ გასატარებელია, მაგრამ საქართველოს ევროკავშირის კანდიდატის სტატუსი - განსაკუთრებით გაზრდილი გეოპოლიტიკური საფრთხეებისა და ქვეყანაში რუსული გავლენების ფონზე - მაინც უნდა მიენიჭოს. ოპოზიციისა და სამოქალაქო სექტორის აქტიურობის ფონზე მმართველი გუნდი ისევ ბრალდებების რეჟიმშია.