ლუჰანსკის რეგიონული სამხედრო ადმინისტრაციის ხელმძღვანელის, სერჰი ჰაიდაის განცხადებით, უკრაინის შეიარაღებული ძალები თანდათან წინ მიიწევენ ლუჰანსკის რეგიონში.
ჰაიდაის თქმით, კრემენაიას მიმართულებით ვითარება კვლავ მძიმეა, თუმცა უკრაინელი დამცველები მას სრულად აკონტროლებენ. ამასთან, ის აღნიშნავს, რომ ბელოგოროვკა ოკუპანტების მუდმივი ცეცხლის ქვეშაა, მაგრამ უკრაინის შეიარაღებული ძალები მტრის ყველა შეტევას იგერიებენ.
"რაც შეეხება ხარკივის მიმართულებას, სვატოვო-კრემენაიას მიმართულებას, იქაც იგივეა: სტელმახივკა, მაკეევკა, ჩერვონოპოპოვკა, კრემენაია - ცეცხლის ქვეშაა. ოკუპანტები ამ მიმართულებებიდან ცდილობენ შეტევას. მაგრამ იქ ყველა შეტევა მოვიგერიეთ. უფრო მეტიც, ჩვენი თავდაცვის ძალები ახერხებენ თანდათან წინსვლას კრემენაიას მიმართულებით", - თქვა ლუჰანსკის რეგიონული სამხედრო ადმინისტრაციის ხელმძღვანელმა.
იანვრის დასაწყისში, ჰაიდაიმ სვატოვო-კრემენაიას მიმართულებით, უკრაინის არმიის წინსვლის შესახებ განაცხადა. 12 იანვარს მან თქვა, რომ თავდაცვის ძალები ბელოგოროვკასთან პოზიციებს იკავებდნენ.
ჰაიდაი ამბობს, რომ კრემენაიას გათავისუფლება ხელს შეუწყობს რუსული ჯგუფის სრულ განადგურებას ბახმუტის მიმართულებით, სადაც მისი თქმით, ჯოჯოხეთური ბრძოლები მიმდინარეობს.
დახურვა