საქართველოს რკინიგზის ცნობით, დასავლეთ საქართველოში არსებული უამინდობის გამო, ხვალ, 7 თებერვალს მატარებლის რეისები უქმდება.
კერძოდ, უქმდება შემდეგი რეისები:
- თბილისი-ბათუმი (802),
- თბილისი-ზუგდიდი (870),
- თბილისი-ოზურგეთი-ქუთაისი (12/18),
- ბათუმი-თბილისი (803),
- ოზურგეთი-ქუთაისი-თბილისი (11/17),
- ფოთი-თბილისი (873),
- ხაშური-ზესტაფონი (6446)
- ზესტაფონი-ხაშური (6417).
რკინიგზაში აცხადებენ, რომ გაუქმებული რეისების ბილეთების საფასური მგზავრებს სრულად აუნაზღაურდებათ.
ცოტა ხნის წინ, საქართველოს რკინიგზამ განცხადება გაავრცელა, რომლის თანახმადაც, დღეს 6 თებერვალს, მოლითში ჩამოწოლილი მეწყრის გამო რეისზე არსებული მატარებლები ვეღარ გააგრძელებენ მოძრაობას.
რკინიგზის ცნობით, ზუგდიდი-თბილისის (869), ბათუმი-თბილისის (801) და თბილისი-ფოთის (874) რეისებზე მოძრავი შემადგენლობები დაბრუნდებიან საწყის სადგურებში.
დახურვა