logo
ENG



"სექსუალურ მომსახურებას აიძულებდა" - ტრეფიკინგისთვის ბრალდებულს 12 წლით პატიმრობა მიესაჯა

12 თებ 202416:31
3 წუთის საკითხავი
clock 437
"სექსუალურ მომსახურებას აიძულებდა" - ტრეფიკინგისთვის ბრალდებულს 12 წლით პატიმრობა მიესაჯა

საქართველოს პროკურატურის ინფორმაციით, ზესტაფონის რაიონულმა სასამართლომ ადამიანით ვაჭრობის (ტრეფიკინგის) საქმეზე ბრალდებული დამნაშავედ ცნო და 12 წლით პატიმრობა მიუსაჯა. 

უწყების ცნობითვე, ბრალდებულმა ტაილანდის მოქალაქეები საქართველოში მოტყუებით ჩამოიყვანა და მათ უცხო ქვეყნის მოქალაქეებისთვის სექსუალური მომსახურების გაწევას აიძულებდა. 

"სასამართლო პროცესზე გამოკვლეული მტკიცებულებებით დადასტურდა, რომ ტაილანდის რესპუბლიკაში არსებულმა დასაქმების სააგენტომ, ტაილანდის რესპუბლიკის სამი მოქალაქე თითქოსდა ბათუმში, სილამაზის სალონში სამუშაოდ, საქართველოში მოტყუებით ჩამოიყვანა.

ბრალდებულმა უცხო ქვეყნის მოქალაქემ, დაზარალებულები ზესტაფონში მის დროებით სარგებლობაში არსებულ საცხოვრებელ სახლში მოათავსა, ჩამოართვა პასპორტები და დამოუკიდებლად გადაადგილების საშუალებას არ აძლევდა. ბრალდებული მუქარით და ფსიქოლოგიური ზეწოლით დაზარალებულებს გარკვეული ანაზღაურების სანაცვლოდ, უცხო ქვეყნის მოქალაქეებისთვის სექსუალური მომსახურების გაწევას აიძულებდა, ხოლო ექსპლუატაციის გზით გამომუშავებული თანხის დიდ ნაწილს თავად ისაკუთრებდა.

დაკავებულს ბრალდება საქართველოს სისხლის სამართლის კოდექსის 143 პრიმა მუხლის მესამე ნაწილის „“ ქვეპუნქტით (ადამიანით ვაჭრობა (ტრეფიკინგი), ჩადენილი ორი ან მეტი პირის მიმართ) წარედგინა.

ზესტაფონის რაიონული სასამართლოს გადაწყვეტილებით, ბრალდებულს სასჯელის სახით 12 წლით თავისუფლების აღკვეთა განესაზღვრა.

საქართველოს პროკურატურა მსგავსი კატეგორიის დანაშაულებზე მკაცრ სისხლის სამართლის პოლიტიკას ატარებს, რასაც მომავალშიც გააგრძელებს"- ნათქვამია განცხადებაში.


close დახურვა