უკრაინის პრეზიდენტი, ვოლოდიმირ ზელენსკი საუდის არაბეთში ჩავიდა. ამის შესახებ ის სოციალურ ქსელში წერს.
ზელენსკის თქმით, პრინც მუჰამედ ბინ სალმან ალ საუდს შეხვდება, მოლაპარაკებების მთავარი თემა კი მშვიდობის ფორმულა იქნება.
"გასულ წელს ჯიდაში, მრჩეველთა დონეზე ნაყოფიერი შეხვედრა გავმართეთ. ჩვენ ახლა პირველ მშვიდობის სამიტს ვუახლოვდებით და საუდის არაბეთის აქტიური მხარდაჭერის იმედი გვაქვს.
მეორე თემა ტყვეებისა და დეპორტირებულთა დაბრუნება. საუდის არაბეთის ხელმძღვანელობამ უკვე შეიტანა წვლილი ჩვენი ხალხის გათავისუფლებაში. დარწმუნებული ვარ, რომ ეს შეხვედრაც შედეგს გამოიღებს. ჩვენ ასევე განვიხილავთ ეკონომიკური თანამშრომლობის პერსპექტიულ სფეროებს და საუდის არაბეთის ჩართულობას უკრაინის რეკონსტრუქციაში", - წერს ზელენსკი.
დახურვა