![2024/07/25/n403qg5wbn88r7e.jpg](/uploads_script3/articles/2024/07/25/n403qg5wbn88r7e.jpg)
ისრაელის პრემიერმინისტრი ბენიამინ ნეთანიაჰუ თეთრ სახლში აშშ-ის პრეზიდენტ დონალდ ტრამპს შეხვდა. წინა დღეს ის კონგრესში სიტყვით გამოვიდა.
ნეთანიაჰუ ასევე შეხვედრას გეგმავს ვიცე-პრეზიდენტ კამალა ჰარისთან, რომელიც დემოკრატიული პარტიიდან მოსალოდნელი საპრეზიდენტო კანდიდატი იქნება.
როგორც ინფორმაცია ვრცელდებოდა, ბაიდენს ისრაელის ლიდერთან ღაზას სექტორის, ჰამასთან ცეცხლის შეწყვეტისა და მძევლების შესაძლოს გათავისუფლების საკითხების განხილვას გეგმავდა.
შეხვედრის შემდეგ ნეთანიაჰუმ მოკლედ თქვა, ბაიდენს უკვე 40 წელია იცნობს, ხოლო ბაიდენი ბოლო 50 წლის განმავლობაში ისრაელის ყველა პრემიერ-მინისტრს იცნობდა. ნეთანიაჰუმ ასევე თქვა, რომ მოუთმენლად ელის ბაიდენთან მომდევნო რამდენიმე თვის განმავლობაში "ჩვენს წინაშე არსებულ დიდ საკითხებზე" მუშაობას.
ოთხშაბათს ისრაელის პრემიერმინისტრი კონგრესში სიტყვით გამოვიდა, სადაც მან დაიცვა სამხედრო კამპანია ღაზაში.
"ჩვენი მტრები თქვენი მტრები არიან", - განაცხადა მან.
გარდა ამისა, ტრიბუნიდან მან "ირანის სასარგებლო იდიოტები" უწოდა მათ, ვინც ომის წინააღმდეგ აპროტესტებდა.
ვაშინგტონის ქუჩებში 2 ათასამდე პროპალესტინელი დემონსტრანტი შეიკრიბა, რომლებიც ნეთანიაჰუს "სამხედრო დამნაშავეს" უწოდებდნენ. პოლიციამ 23 ადამიანი დააკავა, მათ შორის 5 კაპიტოლიუმში.