ყაველაშვილის დანიშვნა

სახელმწიფო გაგვიხადეს პაროდიად, - არალეგიტიმურ არჩევნებსა და ნაძვის ხის ანთებას ცოტა ხნის წინ სალომე ზურაბიშვილმა პროვოკაცია უწოდა, სრულ პასუხისმგებლობას კი აკისრებს ოლიგარქის გუნდს. ხვალ არალეგიტიმური პარლამენტი ე.წ-ლ პრეზიდენტს აირჩევს. არადა ამ დრომდე სალომე ზურაბიშვილი ერთადერთი ლეგიტიმური არჩეული პირია, რომელსაც ნდობას დასავლეთი და ქვეყნის შიგნით პოლიტიკური წრეები თუ სამოქალაქო საზოგადოება უცხადებს. პრეზიდენტის ე.წ. არჩევნებში ცხადია, ოპოზიცია არ მონაწილეობს. უნდა ითქვას, რომ ოლიგარქის რეჟიმს ლეგიტიმაციის უკვე გამოხატული, სერიოზული კომპლექსი აქვს, ამიტომ ისეთ ხრიკებს მიმართავენ, რომელიც კრიტიკას ვერ უძლებს.