ისრაელის ჩრდილოეთში, ქალაქ ნაჰარიაში, „ჰეზბოლას“ მიერ გასროლილი რაკეტის აფეთქებას ხანძარი მოჰყვა, რის შედეგადაც ექვსი ადამიანი დაშავდა. ინფორმაციას ისრაელის თავდაცვის ძალები და სასწრაფო დახმარების სამსახური ავრცელებენ.
სასწრაფო დახმარების სამსახურის ცნობით, დაშავებულებს შორის ორი ზრდასრული და ოთხი არასრულწლოვანია. სამედიცინო დახმარების გაწევის შემდეგ ყველა მათგანის მდგომარეობა სტაბილურად შეფასდა.
რაკეტა ნაჰარიაში ადგილობრივი დროით დაახლოებით 18:00 საათზე ჩამოვარდა. დღის განმავლობაში ჩრდილოეთ ისრაელის მიმართულებით „ჰეზბოლა“ რაკეტებსა და დრონებს ისროდა.
ამავე დროს, ისრაელის თავდაცვის ძალებმა განაცხადეს, რომ სამხრეთ ლიბანში დამატებითი სამხედროები შეიყვანეს და დაიწყეს მიზნობრივი სახმელეთო ოპერაცია, რომლის მიზანიც „ჰეზბოლას“ წინააღმდეგ უსაფრთხოების ბუფერული ზონის გაფართოებაა.
ისრაელის ხელისუფლების განცხადებით, სამხრეთ ლიბანიდან იძულებით გადაადგილებული მოსახლეობა საკუთარ სახლებში დაბრუნებას ვერ შეძლებს მანამდე, სანამ ჩრდილოეთ ისრაელის მცხოვრებლებისთვის უსაფრთხო გარემო სრულად არ იქნება უზრუნველყოფილი.
ცალკე ინციდენტში, კიბუც კაბრის მახლობლად აფეთქების შედეგად დაახლოებით 40 წლის მამაკაცმა საშუალო სიმძიმის დაზიანებებით მიიღო.
დახურვა