პრეზიდენტი დონალდ ტრამპი აცხადებს, რომ აშშ ირანის წინააღმდეგ მიმდინარე სამხედრო ოპერაციას 2-3 კვირაში დაასრულებს. აშშ-ს პრეზიდენტმა ეს კომენტარი თეთრი სახლის ოვალურ კაბინეტში გამართულ პრესკონფერენციაზე საწვავის გაძვირებასთან დაკავშირებული შეკითხვის საპასუხოდ გააკეთა. „ჩვენ ამას ძალიან მალე გავაკეთებთ და ფასებიც დაიწევს“ -თქვა დონალდ ტრამპმა.
სამხედრო მოქმედებების დასაწყისში ტრამპი ვარაუდობდა, რომ ირანში აშშ-ს სამხედრო ოპერაციას დაასრულებდა, დათქმული ვადა შაბათს იწურება.
შეერთებული შტატების პრეზიდენტის განცხადებით, სამხედრო ოპერაციის დაწყებას ჰქონდა მთავარი მიზანი - ირანს არ ჰქონოდა ბირთვული იარაღი, ტრამპს მიაჩნია, რომ ეს მიზანი მიღწეულია.
რაც შეეხება მოლაპარაკებებს, შეერთებული შტატების პრეზიდენტი ირწმუნება, რომ წარმატებით მიმდინარეობს და ირანი აშშ-ს მიერ დაყენებული პირობების დიდ ნაწილს ეთანხმება. თეირანი ამას უარყოფს. ირანის საგარეო საქმეთა მინისტრმა აბას არაყჩიმ 31 მარტს „ალ-ჯაზირას“ განუცხადა, რომ აშშ-ის პრეზიდენტის სპეციალურ წარმომადგენელთან, სტივ უიტკოფთან, კომუნიკაცია აქვს, მაგრამ ეს მოლაპარაკების ფორმატი არ არის.
დახურვა