26 მაისი საქართველოს დამოუკიდებლობის დღეა, დღეს 108 წელი გავიდა საქართველოს დამოუკიდებლობის აქტის მიღებიდან.
1918 წელს სწორედ 26 მაისს თბილისში მეფისნაცვლის ყოფილ რეზიდენციაში, სადაც ახლა მოსწავლე-ახალგაზრდობის სასახლეა, საქართველოს ეროვნულმა საბჭომ ნოე ჟორდანიას ხელმძღვანელობით მიიღო დამოუკიდებლობის აქტი. ამით საფუძველი ჩაეყარა საქართველოს პირველ რესპუბლიკას.
რუსეთის იმპერიისგან დამოუკიდებელი პირველი რესპუბლიკის არსებობამ მხოლოდ წელიწადსა და 9 თვეს გასტანა. საქართველო 1921 წლის თებერვალში ბოლშევიკური რუსეთის სამხედრო ინტერვენციისა და ოკუპაციის შედეგად ისევ მოექცა რუსეთის კონტროლის ქვეშ.
70 წლის შემდეგ, 1991 წლის 9 აპრილს, დამოუკიდებლობის აქტის საფუძველზე საქართველომ აღიდგინა სახელმწიფოებრივი დამოუკიდებლობა.
დახურვა