სომხეთის ცენტრალური საარჩევნო კომისიის განახლებული წინასწარი შედეგების მიხედვით, სომხეთის საპარლამენტო არჩევნებში ფაშინიანის პარტიამ "სამოქალაქო შეთანხმება" ხმათა 49.825%-ით გაიმარჯვა, ხოლო ბიზნესმენ სამველ კარაპეტიანის პრორუსული ალიანსი "ძლიერი სომხეთი" მეორე ადგილზე გავიდა, ხმების 23.281%-ით, მესამე ადგილს კი საარჩევნო ბლოკი "სომხეთის ალიანსი" იკავებს, ხმების 9.934%-ით.
განახლებული მონაცემებით, პროკრემლისტური პარტია "აყვავებული სომხეთი" ვერ ლახავს 4%-იან საარჩევნო ბარიერს და ხმების 3.996%-ს იღებს.
შედეგების მიხედვით, მმართველი პარტია "სტაბილურ" საპარლამენტო უმრავლესობას შეინარჩუნებს, თუმცა, ვერ მოიპოვებს საკონსტიტუციო ცვლილებებისთვის საჭირო ორ-მესამედიან სუპერუმრავლესობას.
არჩევნებში გამარჯვების გამოცხადებისას პრემიერმინისტრმა ნიკოლ ფაშინიანმა აღნიშნა, რომ მისი პარტიის პრიორიტეტია, მომდევნო 5 წლის განმავლობაში სომხეთში "კრიმინალურ-ოლიგარქიული სისტემა" სრულად დაიშალოს. მანვე დაამატა, რომ "სამოქალაქო შეთანხმება" მთავრობას სხვა პარტიების ჩართულობის გარეშე ჩამოაყალიბებს.
არჩევნებში მონაწილეობდა 18 პოლიტიკური ძალა - 16 პარტია და 2 საარჩევნო ალიანსი.
პარლამენტში მოსახვედრად პარტიებს მინიმუმ 4%-იანი, ხოლო ბლოკებს 8%-იანი საარჩევნო ბარიერის გადალახვა ჭირდებოდათ.
დახურვა