თბილისში, დიდუბის რაიონში, სატვირთო ავტომობილის მძღოლი დაიღუპა მას შემდეგ, რაც მისივე ავტომობილით გადაზიდული რკინა-ბეტონის კონსტრუქცია კაბინას დაეცა.
არსებული ინფორმაციით, შემთხვევა მაშინ მოხდა, როდესაც სატვირთოს მძღოლმა დაამუხრუჭა. თვითმხილველების ცნობით, ავტომობილზე დატვირთული რკინა-ბეტონის კონსტრუქცია გადმოცვივდა და სატვირთოს კაბინას დაეცა.
შემთხვევის ადგილზე მობილიზებული იყვნენ მაშველები, რომლებმაც მძღოლის ავტომობილიდან გამოყვანა შეძლეს, თუმცა მისის გადარჩენა ვერ მოხერხდა.
შსს-ს ინფორმაციით, მომხდარზე გამოძიება დაიწყო. დამატებითი დეტალები ამ დროისთვის უცნობია.
დახურვა