France 24-ის ცნობით საფრანგეთის მთავრობამ 2027 წლის საპრეზიდენტო არჩევნების ოფიციალური თარიღები დაადგინა, რომლის მიხედვითაც კენჭისყრის პირველი ტური 18 აპრილს, ხოლო მეორე ტური 2 მაისს გაიმართება.
მოქმედ კონსტიტუციაზე დაყრდნობით, პრეზიდენტ ემანუელ მაკრონს მესამე ვადით კენჭისყრის უფლება არ აქვს, რაც ქვეყანაში მმართველობის ცვლილებას განაპირობებს.
მიმდინარე საარჩევნო ციკლში შინაგან საქმეთა სამინისტრო რამდენიმე მნიშვნელოვან ტექნოლოგიურ რეფორმას ნერგავს, მათ შორის საარჩევნო უბნებზე ფიზიკური დოკუმენტების ნაცვლად სმარტფონის ოფიციალური აპლიკაციის, France Identité-ს გამოყენების უფლებას და ხმის მიცემის მინდობილობის სრულ ციფრვიზაციას, რაც პოლიციის განყოფილებაში გამოცხადების საჭიროებას აუქმებს.
სოციოლოგიური ინსტიტუტების (Ifop, Ipsos) ბოლო გამოკითხვებით, არჩევნების პირველი ტურის ფავორიტად ულტრამემარჯვენე „ეროვნული გაერთიანება“ (RN) მიიჩნევა მარინ ლე პენის ან ჟორდან ბარდელას ლიდერობით, რომელთა რეიტინგი 30%-დან 33%-მდე მერყეობს.
მოქმედი სახელისუფლებო ცენტრისტული ბლოკი, სადაც კანდიდატებად ყოფილი პრემიერ-მინისტრები გაბრიელ ატალი ან ედუარდ ფილიპი განიხილებიან, ამჟამად ამომრჩეველთა ხმების 20%-დან 22%-მდე ფლობს.
მათ მცირედით ჩამორჩება მემარცხენე ალიანსი „ახალი სახალხო ფრონტი“ (NFP) ჟან-ლიუკ მელანშონის ლიდერობით, რომლის რეიტინგიც 18%-დან 22%-მდე ფარგლებში ფიქსირდება.
პარტიების მიერ ოფიციალური კანდიდატების წარდგენის პროცედურები და შიდაპარტიული პრაიმერისები მომავალი წლის გაზაფხულამდე ეტაპობრივად დასრულდება.
დახურვა