13 ივლისს უკრაინის თავდაცვის ძალებმა უპილოტო საფრენი აპარატებით მორიგი შეტევა მიიტანეს რუსეთზე, მათ შორის მოსკოვზე. დარტყმის სამიზნეებს შორის იყო ნავთობის საცავი სტავროპოლის მხარეშიც.
მოსკოვის ოლქის გუბერნატორმა ანდრეი ვორობიოვმა განაცხადა, რომ მოსკოვის ოლქის ქალაქ ისტრაში, დრონის ჩამოვარდნის შედეგად სამი ადამიანი დაიღუპა და სამი დაშავდა, ხუთ კერძო სახლს ხანძარი გაუჩნდა.
რუსული მედიის ინფორმაციით, მოსკოვის ოლქის ქალაქ სოლნეჩნოგორსკში დრონი მრავალსართულიან შენობას შეეჯახა, რის შედეგადაც ორი ადამიანი დაშავდა. შენობის კედელი და ფანჯრები დაზიანდა. ორი სახლი დაზიანდა სოფელ ბაბკინოშიც.
დახურვა