თბილისის საკრებულოსთან გამართულ აქციაზე დაკავებული აქტივისტი, ვასო ბერიძე სასამართლომ ადმინისტრაციულ სამართალდამრღვევად ცნო და 5000-ლარით დააჯარიმა. გადაწყვეტილება მოსამართლე თორნიკე კაპანაძემ მიიღო.
შეგახსენებთ, თბილისის საკრებულოსთან, აქციის მიმდინარეობისას 10 პირი: თორნიკე თოშხუა, მარიამ მეყანწიშვილი, ია მელითაური, ნატო ბოლქვაძე, სანდრო სეხნიაშვილი, ლაშა დგებუაძე, ვასო ბერიძე, მარინე ნანავა, თორნიკე ტიკარაძე და შაკო ბაღდოშვილი დააკავეს. შსს-ს ცნობით, დაკავებულებს “შეურაცხმყოფელი შინაარსის ბანერები ეჭირათ ხელში”.
ისინი ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს, რაც წვრილმან ხულიგნობასა და სამართალდამცავებისთვის წინააღმდეგობის გაწევას გულისხმობს.
დახურვა