უკრაინის ქალაქ ლუცკში რუსეთის დრონით თავდასხმის შედეგად 6 ადამიანი დაიღუპა, 12 კი დაშავდა. ამის შესახებ უკრაინული მედია ვოლინის ოლქის ადმინისტრაციასა და პოლიციაზე დაყრდნობით წერს.
გამოცემის ინფორმაციით, უპილოტო საფრენი აპარატის ნამსხვრევები საბითუმო საწყობ „ევროგურტს“ მოხვდა. თავდაპირველად ცნობილი გახდა სამი დაღუპულის შესახებ, მოგვიანებით კი პოლიციამ დაღუპულთა რაოდენობის ექვსამდე გაზრდა დაადასტურა.
თავდასხმის შედეგად ასევე დაზიანდა ცხრასართულიანი საცხოვრებელი კორპუსი, სადაც ორი ადამიანი დაშავდა, მათ შორის ერთი ბავშვი.
დახურვა