საქართველოს პროკურატურამ თბილისში, ერთ-ერთ რესტორანში მომხდარი ჯგუფური ძალადობის ფაქტზე სამ პირს — ვახტანგ ჟვანიას (იგივე ვატო ყიფიანი), ავთანდილ ბილანიშვილსა („კაწრო“) და შოთა ყიფიანს ოფიციალურად წარუდგინა ბრალდება.
შინაგან საქმეთა სამინისტროს მიერ ჩატარებული გამოძიებით დადგინდა, რომ 2026 წლის 14 ოქტომბერს, დედაქალაქში მდებარე ერთ-ერთ რესტორანში, დასახელებული პირები ფიზიკურად გაუსწორდნენ მოქალაქეს, რომელმაც მიყენებული დარტყმების შედეგად ფიზიკური ტკივილი განიცადა.
სამივე დაკავებულს ბრალდება საქართველოს სისხლის სამართლის კოდექსის 126-ე მუხლის პირველი პრიმა ნაწილის „ბ“ ქვეპუნქტით წარედგინა, რაც ჯგუფურად განხორციელებულ ძალადობას გულისხმობს. აღნიშნული მუხლი სასჯელის სახედ 2 წლამდე ვადით თავისუფლების აღკვეთას ითვალისწინებს.
დახურვა