პეტრე ცაავა ჭყონდიდის ეპარქიას ტოვებს
პეტრე ცაავა ჭყონდიდის ეპარქიას დღეს ნაშუადღევს დატოვებს. მისივე თქმით, თუ სინოდის სხდომა გაიმართება და მიიწვევენ, დაესწრება, თუმცა მოითხოვს პირდაპირ ეთერს. როგორც პეტრე ცაავა განმარტავს, მხოლოდ ამით გახდება შესაძლებელი ეკლესიაში დაგროვებული ჭუჭყის გამოჩენა.
31 ოქტომბრის სინოდის სხდომაზე, პეტრე ცაავას მიტროპოლიტის ტიტული და ეპარქია ჩამოართვეს, მის ადგილას კი გრიგოლ კაცია დანიშნეს. პატრიარქს პეტრე ცაავას შიომღვიმის მონასტერში გამწესება სურს. თავად ყოფილი მიტროპოლიტი კი ამბობს, რომ თბილისში მიდის და არა შიომღვიმში, თუმცა რომელ ტაძარში იმოღვაწევებს ჯერჯერობით უცნობია.
ტრამპი ზელენსკის თეთრ სახლში ეპატიჟება
აშშ-ის პრეზიდენტი უკრაინის პრეზიდენტს ვლოდიმირ ზელენსკის თეთრ სახლში იწვევს. დონალდ ტრამპის განცხადებით, თუკი ზელენსკი ამ მოწვევა მიიღებბს, მოხარული იქნება და ფიქრობს, რომ უკრაინის პრეზიდენტი კარგი ადამიანია.
აშშ-ში ტრამპსა დ ზელენსკის შორის შემდგარი სატელეფონო საუბრის შესახებ გამოძიება მიმდინარეობს. ტრამპის ოპონენტები აცხადებენ, რომ პრეზიდენტი უკრაინელი კოლეგის, ჯო ბაიდენისა და მისი ვაჟის წინააღმდეგ გამოძიების დაწყებას სთხოვდა, წინააღმდეგ შემთხვევაში, აშშ უკრაინას სამხედრო დახმარებას შეუწყვეტდა. სწორედ ამ მიზეზით, „დემოკრატებმა“ ტრამპის იმპიჩმენტის საკითხი დააყენეს, გასულ კვირას კი ოფიციალური პროცედურა დაიწყო.
საგამოძიები კომისიის მოთხოვნა ზურაბიშვილის სკანდალურ შეწყალებებზე
დღეს, „ევროპული საქართველო” სალომე ზურაბიშვილის მიერ მკვლელობაში მსჯავრდებული პირების შეწყალების საქმეზე პარლამენტში საგამოძიებო კომისიის შექმნას კიდევ ერთხელ მოითხოვს. უმცირესობის დადგენილების პროექტი პარლამენტის ბიუროს დღევანდელ სხდომაზე წარედგინება. „ევროპული საქართველო” დადგენილების პროექტში მიუთითებს, რომ პრეზიდენტის მიერ 28 ოქტომბერს განხორციელებული შეწყალება გამოძიების საგანი უნდა იყოს, რადგან მასში შესაძლო კორუფციული სქემა იკვეთება.
And Then We Danced-ს ჩვენება პარიზში
საფრანგეთში ქართული სათვისტომოსა და საელჩოს მხარდაჭერით, ფილმს And Then We Danced დღეს პარიზში კინოთეატრ Cinéma Les 7 PARNASSIENS-ში უჩვენებენ. საქართველოში პრემიერამდე 4 დღით ადრე ქართულ კინოთეატრებში უივე ყვეკა ბილეთი გაყიდულია.
ფილმის მსოფლიო პრემიერა 16 მაისს კანის რიგით 72-ე კინოფესტივალზე გაიმართა. And Then We Danced კინოფესტივალის Director’s Fortnight სექციაში 25 ფილმს შორის მოხვდა. And Then We Danced, რომელმაც არაერთი საერთაშორისო ჯილდო მოიპოვა, ამერიკის კინოაკადემიის დაჯილდოვების 92-ე ცერემონიალზე შვედეთის სახელით წარსდგება. პირველი ქართული სასიყვარულო გეი დრამის რეჟისორი წარმოშობით ქართველი ლევან აკინია.
პრესკონფენცია საპატრირქოში განვითრებულ მოვლენებზე
საქართველოს საპატრიარქოს წარმომადგენელი, კანონიკური სამართლის კათედრის გამგე, დეკანოზი ლონგინოზი პრესკონფერენციას გამართავს. თემა შეეხება, საქართველოს საპატრიარქოსთან დაკავშირებით მიმდინარე პროცესებსა და კანონიკური სამართლის ნორმებს, ასევე სინოდის გადაწყვეტილებასა და შემდგომი პროცესებს.
დახურვა