პროკურატურის გადაწყვეტილებას თემირლან მაჩალიკაშვილის საქმეზე, რომლის მიხედვითაც პროკურატურამ საქმეზე ძიება შეწყვიტა, არასამთავრობო სექტორი ეხმაურება.
ახალგაზრდა იურისტთა ასოციაციის დირექტორის, სულხან სალაძის თქმით მთავარი პრობლემა დღეს პროკურატურას უდგას ინსტიტუციური დამოუკიდებლობის კუთხით, მისივე თქმით, საზოგადოებას საკითხზე უფრო მეტი კითხვა დარჩა, ვიდრე პასუხი.
„მთავარი პრობლემა დღეს პროკურატურას უდგას ინსტიტუციური დამოუკიდებლობის კუთხით, მნიშვნელოვან საქმეებზე არის თუ არა გავლენა ხელისუფლების მხრიდან, სამწუხაროდ მაჩალიკაშვილის საქმეც იყო ის ერთ-ერთი საქმეც, რომელსაც პროკურატურამ ვერ გაართვა თავი, ჩვენ უფრო მეტი კითხვა დაგვრჩა ამ პროცესში ვიდრე პასუხი“,-განაცხადა სულხან სალაძემ.
„სამართლიანი არჩევნების“ წარმომადგენლის, მიხეილ ბენიძის თქმით, მსგავსი გადაწყვეტილებები არის პრობლემური, მისივე თქმით პროკურატურამ ვერ მოახერხა პასუხი გაეცა მალხაზ მაჩალიკაშვილისა და საზოგადოების კითხვებისთვის.
„მსგავსი განცხადებები არის ძალიან პრობლემური ეს აგრძელებს იმ ხაზს, რომელიც ვნახეთ აქამდეც ამ კონკრეტული საქმის გამოძიებასთან დაკავშირებით ჩვენ ვხედავდით, რომ რეალურად ნება არ არსებობდა და არ არსებობს პროკურატურაში, რომ ადეკვატურად იყოს გამოძიებული და პასუხი გაეცეს მალხაზ მაჩალიკაშვილის და ზოგადად მთელი საზოგადოების კითხვებს თუ როგორ განხორციელდა ეს სპეცოპერაცია, ცხადი არის რომ აქ ჰქონდა კონკრეტულ დარღვევებს ადგილი, მაგრამ სამწუხაროდ შესაბამისი გამოძიება და შესაბამისი პასუხები ჩვენ ამ დრომდე ვერ მივიღეთ“,-განაცხადა მიხეილ ბენიძემ.
შეგახსენებთ, თბილისის პროკურატურამ თემირლან მაჩალიკაშვილის საქმეზე შემაჯამებელი გადაწყვეტილება მიიღო. როგორც საგანგებო ბრიფინგზე გახდა ცნობილი, მოცემულ საქმეზე გამოძიება შეწყდა.
დახურვა