აჭარის საზოგადოებრივი მაუწყებლის თანამშრომლები და არასამთავრობო ორგანიზაცია „იემსი“ ოპოზიციის წევრებს შეხვდნენ და ტელევიზიაში მიმდინარე პროცესებზე ინფორმაცია მიაწოდეს. ჟურნალისტები მათ უფლებადამცველებთან ერთად პარლამენტში თემატური მოკვლევის ჯგუფის შექმნას ითხოვენ. აჭარის საზოგადოებრივი მაუწყებლის თანამშრომლები გიორგი კოხრეიძის გადაწყვეტილებების გაუქმების მიზნით სამართლებრივ დავას იწყებენ. სარჩელს „იემსი“ ამზადებს და ბათუმის სასამართლოს მიმდინარე კვირაში მიმართავენ.
„ბუნებრივია ვილაპარაკეთ უფლების დარღვევის და სარედაქციო დამოუკიდებლობის დარღვევის ძალიან მძიმე შემთხვევებზე, მაუწყებელში თუმცა ამავდროულად ვილაპარაკეთ, ინსტიტუციურ და საკანონმდებლო პრობლემებზე მათ შორის აჭარის მაუწყებლის ბორდის დაკმაყოფილების წესში არსებულ პრობლემებზე და ამ შემთხვევაში ევროპული საქართველოს მხრიდან გამოითქვა მზად ყოფნა, რომ ამ საკითხის განხილვა კომიტეტზე მოხდეს, მოხდეს შესაბამისი პირების მაუწყებლიდან დაბარება და საჯარო დისკუსიების წამოწყება პარლამენტში“,-განაცხადა თამთა მიქელაძემ.
ოპოზიცია გამოთქვამს მზაობას, რომ თემაზე კომიტეტის სხდომაზე იმსჯელონ. როგორც „ევროპული საქართველოს“ წევრი აცხადებს, თემატური მოკვლევის ჯგუფის შექმნის გარდა საჭიროა ცლილებები შევიდეს მაუწყებლის შესახებ კანონშიც.
„პრაქტიკულად ეს არის ის შემთხვევა, როდესაც საზოგადოებრივმა მაუწყებელმა გაამართლა და ამ ადამიანებმა შეძლეს მოპოვება სარედაქციო დამოუკიდებლობის და სწორედ ამას ებრძვის დღეს ხელისუფლება. გავეცანით ყველაფერს და ვფიქრობთ, რომ გვექნება კონსულტაციები სხვადასხვა ფრაქციებთან, დამოუკიდებელ დეპუტატებთან და დავგეგმავთ იმ ღონისძიებებს, რომლებიც ამ შემთვევაში არის მნიშვნელოვანი“,-განაცხადა სერგო რატიანმა.
ტელევიზიაში კრიზისი მაშინ დაიწყო, როცა მრჩეველთა საბჭოს დირექტორად გიორგი კოხრეიძე აირჩიეს და მან რეორგანიზაცია დაიწყო. ტელევიზიის მიღმა დარჩნენ კოხრეიძის მოადგილე, ნათია ზოიძე, ასევე საინფორმაციო სამსახურის ერთი პროდიუსერი და მთავარი გამოშვების პროდიუსერი.
დახურვა