იუსტიციის მინისტრმა თეა წულუკიანმა ბრიფინგზე პატიმრების ოჯახებს მიმართა და მოუწოდა მათ, რომ საპატიმროდან ამბის გამოსატანად არ შეგზავნონ ადამიანები.
წულუკიანის თქმით, ადვოკატები აუცილებელია მხოლოდ საჭიროების შემთხვევაში შევიდნენ საპატიმროებში.
„ჩვენი მიზანია, კორონავირუსის აღმოფხვრამდე, ციხეები გახდეს მაქსიმალურად კარჩაკეტილი. ამიტომ, ყველა ოჯახს მინდა მოვუწოდო, ნუ მოინდომებენ ციხეებში ამბის გამოსატანად ისეთი ადამიანების შეგზავნას, რომელსაც ამ მომენტში არავითარი საჭიროება არ აქვს. ადვოკატებიც აუცილებელია ციხეებში მაშინ შედიოდნენ, როდესაც საქმე ეხება საქმის გასაჩივრებას ან სხვა საპროცედურო საჭიროებებს“, - განაცხადა წულუკიანმა.
დახურვა