პირველი საუნივერსიტეტო კლინიკის დირექტორის ლევან რატიანის განცხადებით, ამ ეტაპზე კლინიკაში კოვიდ 19-ით ინფიცირებული 23 პაციენტი იმყოფება.
მისივე განცხადებით, კლინიკაში რამდენიმე ახალი შემთხვევა შევიდა, თუმცა მათზე ინფორმაცია მოგვიანებით იქნება ცნობილი.
ლევან რატიანის თქმით, ლუგარის ლაბორატორიიდან დამატებითი ტესტების პასუხები უნდა მივიდეს კლინიკაში, იმ შეთხვევაში თუ ეს ტესტები განმეორებით უარყოფითი იქნება, მაშინ პაციენტები გამოჯანმრთელებულად ჩაითვლებიან და მათ კლინიკიდან გაწერენ.
„ამ ეტაპზე კლინიკაში 52 პაციენტი წევს. ისეთმა პაციენტებმა, რომლებთანაც კორონავირუსი არ დადასტურდა და იყო საეჭვო შემთხვევები, ისინი გადაყვანილი არიან საკარანტინო ზონაში. ამ ეტაპზე კოვიდით ინფიცირებილი 23 პაციენტი გვყავს. მათი უმეტესობის მდგომარეობს სტაბილურია, მკურნალობენ სიმპტომურად ინფექციონისტები და თერაპევტები.
ლუგარის ლაბორატორიიდან დამატებით ტესტებს ველოდებით. იმ შემთხვევაში, თუ განმეორებითი ტესტები მოვიდა უარყოფითი, რამოდენიმე პაციენტი კორონავირუსისგან განკურნებულად ჩაითვლება და დღის ბოლოს დატოვებენ კლინიკას.
რეანიმაციაში გვიწევს რამოდენიმე პაციენტი, აქედან ყველაზე საყურადღებო, რომლიც იყო კრიტიკული, მოხსნილია მართვითი სუნთქვის აპარატიდან, კონტაქტური და ადეკვატურია. იმყოფება ექიმის მეთვალყურეობის ქვეშ, თუ რამოდენიმე საათი ასე გაგრძელდა მისი მდგომარეობა, პაციენტი ინფექციონისტებთან მკურნალობის გაგრძელების მიზნით ჩამოვა.
რაც შეეხება ახალ შემთხვევებს, მოგეხსენებათ, რომ რამოდენიმე ახალი შემთხვევა შემოვიდა ჩვენ კლინიკაში, მიმდინარეობს მათი კვლევები, დადასტურებულია PCR მეთოდით ამ ინფექციების შესახებ, დანარჩენს ყველაფერს მოგაწოდებთ მოგვიანებით“, - აცხადებს ლევან რატიანი.
დახურვა