რესპუბლიკური საავადმყოფოს ექიმის, დევი ტაბიძის განცხადებით, ამ ეტაპზე კლინიკაში 74 პაციენტი გადის მკურნალობას.
ტაბიძისი თქმით, ყველა პაციენტის მდგომარეობა საშუალო სიმძიმისაა. მისივე ინფორმაციით, დღეს ლუგარის ლაბორატორიაში რესპუბლიკური საავადმყოფოდან 30 ანალიზი გადაიგზავნება და მათი პასუხი დღის ბოლომდე გახდება ცნობილი. ექიმი არ გამორიცხავს, რომ რამდენი პაციენტს კოვიდ-19 დაუდასტურდეს.
"დღეს რესპუბლიკურ საავადყოფოში 74 პაციენტია. გუშინდელი ტესტებიდან 10 მოვიდა დადებითი. დღეს გვყავს 21 დადასტურებული პაციენტი. დღეს ვაპირებთ 30 ანალიზის გაგზავნას და ამაზე დღის ბოლოს მივიღებთ პასუხს. სავარაუდოდ იქნება დადებითი პასუხებიც. სამწუხაროდ მზარდია ტენდენციაა და ეს მიუთითებს იმაზე, რომ უნდა დავიცვათ წესები, რომ თავი ავარიდოთ არასასურველ შედეგებს", - აღნიშნა მან.
ტაბიძემ მოსახლეობას რეკომენდაციების დაცვისკენაც მოუწოდა.
"ჩვენ მაქსიმალურად ვცდილობთ, რომ ყველა პაციენტს აღმოვუჩინოთ შესაბამისი დახმარება და მზად ვართ ამისთვის, ოღონდ ეს უნდა იყოს გონივრულ ჩარჩოებში. ამიტომ ვთხოვ მოსახლეობას გაითვალისწინონ ყველაფერი, მათ შორის ისიც, რომ ყველა კლინიკაში რაოდენობა მომატებულია. რაოდენობა იზრდება, ამიტომ ყველამ დავიცვათ ერთმანეთი. საშუალო სიმძიმისაა ახალი პაციენტების მდგომარეობა. ორმხრივი პნევმონიაა პრაქტიკულად ყველგან. წყაროები ყველგან სხვადასხვაა, დაახლოებით 12 წყაროა ქვეყანაში.
ასაკობრივი მაჩვენებელი არის 25-დან 45 წლამდე. ერთი გვყავს შედარებით ასაკოვანი", - განაცხადა დევი ტაბიძემ.
დახურვა