თბილისის საკრებულოს დამოუკიდებელი წევრები მიხეილ სააკშვილის უკრაინაში რაიმე თანამდებობის დანიშვნას ეწინააღმდეგებიან. ჯაბა ჯიშკარიანმა და ვახტანგ შაქარიშვილმა დღეს ბრიფინგზე განაცხადეს, რომ საქართველოს მესამე პრეზიდენტი სახელმწიფო დამნაშავეა და მისი დანიშვნა დააზიანებს უკრაინას. დამოუკიდებელი დეპუტატები მოუწოდებენ ზელენსკის, არ დანიშნოს სააკაშვილი თანამდებობაზე.
მათ „ქართულ ოცნებასაც“ მიმართეს, რომ ყველა, ვინც მიხეილ სააკაშვილს სახელს უკავშირდება, განსაკუთრებით კი სასამართლო სისტემაში, ჩამოიშორონ.
„სააკაშვილთან დაკავშირებით გვაქვს მძიმე გამოცდილება, გვსურს ეს გამოცდილება უკრაინელ ხალხს გავუზიაროთ და ავარიდოთ მათ ის მოსალოდნელი საფრთხე, რაც რეალური გახდება სააკაშვილის ნებისმიერ საჯარო თანამდებობაზე დანიშვნით.
სათქმელი „ქართული ოცნების“ ხელისუფლებისთვისაც გვაქვს. შენივე ქვეყანაში, შენივე ხელით თანაც ძალადობრივად სააკაშვილის ჯალათი მოსამართლეების ქართულ სასამართლოში უვადოდ დანიშვნა არ არის შენი ხალხის პატივისცემა და დაფასება“, - განაცხადა ვახტანგ შაქარიშვილმა.
დახურვა