თორნიკე შენგელიას ტრანსფერთან დაკავშირებული ამბავი ოფიციალურად დასრულებულია – ქართველი კალათბურთელი “ცსკა”-ს რიგებში 3-წლით ჩაირიცხა.
რუსულმა კლუბმა ტვიტერზე ოფიციალურად გამოაქვეყნა პოსტი, რომელიც ქართველი კალათბურთელის მათ რიგებში გადასვლას ეძღვნება.
თორნიკე შენგელია “ცსკა”-ს მიერ გამოქვეყნებულ პოსტს გამოეხმაურა:
“მიხარია, რომ ევროლიგის მოქმედ ჩემპიონ გუნდს შევუერთდი. მოუთმენლად ველი, თუ როდის ვითამაშებ ბრწყინვალე კალათბურთელებისა და არაჩვეულებრივი სამწვრთნელო შტაბის გარემოცვაში. ვიმედოვნებ, რომ “ცსკა”-სთან ერთად დიდ წარმატებას მივაღწევთ, როგორც ევროლიგაში, ასევე VTB ლიგაში (რუსეთის ჩემპიონატში)” – წერს შენგელია.
დახურვა