საქართველოში კორონავირუსით ინფიცირებულთა რაოდენობამ 1 000-ს გადააჭარბა - დადასტურდა 4 ახალი შემთხვევა.
ინფორმაცია stopcov.ge-ზე განახლდა - ინფიცირებულთა რაოდენობა 1003-ს შეადგენს.
სამით გაიზარდა გამოჯანმრთელებულთა რაოდენობაც და ჯამში 873-ია.
რაც შეეხება სხვა მონაცემებს - კარანტინის რეჟიმში არის 5640 პირი, ხოლო სტაციონარში დაკვირვების ქვეშ - 244.
საქართველოში კორონავირუსს 15 ადამიანი ემსხვერპლა.
პირველი შემთხვევა ქვეყანაში 26 თებერვალს დადასტურდა.