logo
ENG

კაპანაძე: მელაშვილისა და ილიჩოვას დაკავება ეროვნული ინტერესების წინააღმდეგ გალაშქრებაა

07 ოქტ 202014:56
3 წუთის საკითხავი
clock 1193
კაპანაძე: მელაშვილისა და ილიჩოვას დაკავება ეროვნული ინტერესების წინააღმდეგ გალაშქრებაა

ევროპული საქართველოს წევრი სერგი კაპანაძე ფორმულასთან საუბარში პროკურატურის მიერ დავით გარეჯის საქმეზე საზღვრის დამდგენი კომისიის ყოფილი წევრების, ივერი მელაშვილისა და ნატალია ილიჩოვას დაკავებას ეხმაურება და აცხადებს, რომ საქმე პოლიტიზებულია და საქართველოს არავისთვის არაფერი დაუთმია.

კაპანაძის თქმით, პროკურატურის მიერ მელაშვილი/ილიჩოვას დაკავება ეროვნული ინტერესების წინააღმდეგ გალაშქრებაა.

"მთლიანად პოლიტიზებულია ეს საქმე. მე ვერ ვხედავ ვერანაირ მიზეზს, რატომ შეიძლებოდა ამ საქმეზე ვინმე დაეკავებინათ, როდესაც არავისთვის არაფერია დათმობილი. ახლა რასაც აკეთებენ, არის პირდაპირ ეროვნული ინტერესების წინააღმდეგ გალაშქრება. ვითომ ისე წარმოაჩენენ საქმეს, რომ საქართველომ რაღაც დათმო, არაფერი დაუთმია არავისთვის. ეს არის თითიდან გამოწოვილი საქმე, რომელსაც პოლიტიკური მოტივაცია აქვს", - განაცხადა კაპანაძემ. 

დღეს, 7 ოქტომბერს საქართველოს გენერალურმა პროკურატურამ საქართველოს ტერიტორიის ნაწილის გადაცემისაკენ მიმართული საწინააღმდეგო მოქმედების ჩადენის ბრალდებით 2 პირი დააკავა. დაკავებული არიან საზღვრის დამდგენი კომისიის ყოფილი წევრები, ივერი მელაშვილი და ნატალია ილიჩოვა.


close დახურვა