ოკუპირებული ცხინვალის დე-ფაქტო პრეზიდენტს, ანატოლი ბიბილოვს კორონავირუსი დაუდასტურდა. ამის შესახებ საოკუპაციო რეჟიმის ე.წ სამთავრობო მედია PEC ავრცელებს.
დე-ფაქტო პრეზიდენტის პრესმდივნის, დიანა გასიევას თქმით, ბიბილოვს ვირუსი მსუბუქ ფორმებში აქვს და "დისტანციურად აგრძელებს თავისი ვალდებულებების შესრულებას".
ბოლო 24 საათში, დე-ფაქტო ცხინვალში 57 ახალი შემთხვევა გამოვლინდა. 15 სექტემბრიდან, ანუ რუსეთთან ე.წ. საზღვრის გახსნის დღიდან კი ოკუპირებულ ცხინვალში კოვიდ 19-ის 197 შემთხვევაა დადასტურებული.