ერთიანი ნაციონალური მოძრაობის ისნის მაჟორიტარი დეპუტატობის კანდიდატი, ხატია დეკანოიძე Facebook-ზე წერს, რომ ისანში მის საარჩევნო შტაბში უკანონოდ შეიჭრნენ.
როგორც დეკანოიძე აცხადებს, საარჩევნო შტაბში სახელმწიფო უსაფრთხოების სამსახური აპარატურის დასაყენებლად შეიჭრა.
"ღამე შტაბიდან რომ წამოვედით, ჩვენი ახალგაზრდები დარჩნენ.
უცებ ჩაქრა შუქი და ბავშვებმა ბრაგუნის ხმა გაიგეს ჩემს ოთახში და სახურავზე. ავარდნენ მესამე სართულზე, მაგრამ იქ ვინც იყო გაიქცა.
უკანონოდ შეაღწიეს ჩვენს შტაბში და ჩემს ოთახში, სადაც ვიკრიბებით. გასაგებია ვინც შეაღწევდა და რისთვის.
ნაფეხურებია ჩემს ოთახში და სახურავზე. ისევ აპარატურის დასაყენებლად შევიდა სუსი",-წერს დეკანოიძე.
როგორც დეკანოიძე აცხადებს, პარტიამ შინაგან საქმეთა სამინისტროს მიმართა, ადგილზე იმყოფებოდა საპატრულო პოლიციის ეკიპაჟი, თუმცა მათ ვერანაირი კვალი ვერ ნახეს.
"მივმართეთ შინაგან საქმეთა სამინისტროს, მოვიდა საპატრულო პოლიციის ეკიპაჟი, მაგრამ გვითხრეს, რომ ვერავითარი კვალი, მათ შორის კინოლოგებმა ვერ აიღეს. ფაქტია, რომ ეს იყო სპეციალურად გაკეთებული უკანონო შემოჭრა ჩვენს ოფისში, რათა დაემონტაჟებინათ უკანონო და ფარული თვალთვალის და მიყურადების აპარატურა, იმიტომ რომ უამრავი ფანჯარაა ამ შტაბში და მხოლოდ და მხოლოდ ჩემ შტაბში გადმოძვრნენ",-ამბობს დეკანოიძე.
დახურვა