ფორმულას დაკვეთით შესრულებული Edison Research-ის ეგზიტპოლის მიხედვით, პარტიების შედეგები პროპორციულ ნაწილში ასე გადანაწილდა:
- ქართული ოცნება - დემოკრატიული საქართველო N41 - 46%
- ერთიანი ნაციონალური მოძრაობა - გაერთიანებული ოპოზიცია N5 - 28%
- ევროპული საქართველო N2 - 5%
- გირჩი N36 - 3%
- ლელო N56 - 3%
- გიორგი ვაშაძე - სტრატეგია აღმაშენებელი N27 - 2%
- პატრიოტთა ალიანსი N8 - 2%
- ლეიბორისტული პარტია N10 - 1%
- ალეკო ელისაშვილი - მოქალაქეები N24 - 1%
- სხვა პარტიები - 9%
- უარი პასუხზე - 60%
Edison Research-ის ეგზიტპოლი 18:00 საათის მონაცემებს ასახავს.
ახალი საარჩევნო სისტემით, პარლამენტის 150 მანდატიდან 120 მანდატი პროპორციული წესით შეივსება.
დანარჩენ 30 მანდატს გამარჯვებული მაჟორიტარები შეავსებენ.
მეორე ტურები გაიმართება იმ მაჟორიტარულ ოლქებში, რომლებშიც ვერცერთი კანდიდატი 50%-იან მხარდაჭერაზე მეტს ვერ მოაგროვებს.
უმრავლესობის დასაკომპლექტებლად კი პარტიებს და კოალიციებს 150 საპარლამენტო მანდატიდან 76 - ის მოგროვება დასჭირდებათ.
2020 წლის საპარლამენტო არჩევნებთან დაკავშირებით, ტელეკომპანია“ფორმულას“ დაკვეთით ჩატარდა საზოგადოებრივი აზრის კვლევა, ეგზიტპოლი, რომელიც განახორციელა საერთაშორისო კომპანია Edison Research-მა.
ეგზიტპოლის ფარგლებში გამოიკითხა საქართველოს მასშტაბით115 საარჩევნო უბანზე არჩევნებში მონაწილეობის უფლების მქონე, შემთხვევითი მეთოდით შერჩეული 11 527 რესპონდენტი.
ეგზიტპოლის ცდომილება +/–1.5% - ია.
დახურვა