logo

პოზნერმა რუსულ მედიას უთხრა, რომ თბილისში არავინ დაუჯარიმებიათ

01 აპრ 202113:44
3 წუთის საკითხავი
clock 1617
პოზნერმა რუსულ მედიას უთხრა, რომ თბილისში არავინ დაუჯარიმებიათ

რუსი პროპაგანდისტი ვლადიმირ პოზნერი ამბობს, რომ თბილისში მათგან არავინ დაუჯარიმებიათ. ინფორმაციას რია ნოვოსტი ავრცელებს

შინაგან საქმეთა სამინისტრო ამტკიცებს, რომ 32 პირი იზოლაციისა და კარანტინის წესების დარღვევის გამო დააჯარიმეს.

პოზნერი და მისი მეგობრები თბილისში გუშინ, 31 მარტს დაბადების დღის აღსანიშნავად ჩამოვიდნენ. ისინი ქვეყანაში დარჩენას 3 აპრილამდე გეგმავდნენ.

ქართველი აქტივისტები პოზნერს საპროტესტო აქციით დახვდნენ. პროტესტი გაიმართა როგორც რუმსთან, ისე ვინოტელთან, სადაც მან თანმხლებ პირებთან ერთად ივახშმა. აქტივისტებმა, პოლიტიკოსებთან ერთად პოზნერის საქართველოდან გაძევება მოითხოვეს. პოზნერმა და მისმა მეგობრებმა ქვეყანა დღეს დილით დატოვეს.

ვლადიმერ პოზნერი რუსი ჟურნალისტი და პროპაგანდისტია. ის წლების განმავლობაში ამართლებდა საბჭოთა კავშირის, შემდგომში კი რუსეთის მიერ ჩადენილ დანაშაულებს.

მას ეკუთვნის გამონათქვამი: "აფხაზეთი არასდროს იქნება საქართველოს ნაწილი".

close დახურვა