საოკუპაციო ხაზის მიმდებარედ, ზუგდიდთან ახლოს, უაქციზო სიგარეტის გადმოტანისას მამა-შვილი დაჭრეს. გავრცელებული ინფორმაციით, მათ ცეცხლი აფზახეთის პოლიციის დეპარტამენტის თანამშრომლებმა გაუხსნეს.
როგორც დაჭრილის დედა ამბობს, პოლიციელებმა მის შვილსა და ქმარს დამიზნებით, გაუფრთხილებლად ესროლეს.
„ჩემი შვილი არ გადმოდიოდა აფხაზეთიდან, იქვე იყო, ახლოს და იქიდან მოდიოდა. აგრესიულები არიან აფხაზეთის პოლიცია. განსხვავებაა კრიმინალსა და კონტრაბანდას შორის, იყო კონტრაბანდა. კრიმინალივით რატომ ექცევი. მამასაც და შვილსაც ტყვია მოხვედრილი აქვს. არანაირი გაფრთხილება, ისე ესროლეს დამიზნებით.
ორი ყუთი ჰქონდათ სიგარეტი. არ გვაქვს საშუალება, თავის გადასარჩენად ჩემმა შვილმა წამოიღო ორი ყუთი", - ამბობს დედა.
დაჭრილები ზუგდიდის რეფერალურ საავადმყოფოში არიან მოთავსებულები. დაჭრილის დედის ცნობით, მიმდინარეობს გამოძიებაც.
ფორმულა მომხდარის დეტალების დაზუსტებას შინაგან საქმეთა სამინისტროსთან ცდილობს.
დახურვა