logo
ENG



მერია: ინსპექციამ გამოავლინა პირები, რომლებმაც პლაკატები გააკრეს, ისინი დაჯარიმდებიან

24 ივლ 202122:02
3 წუთის საკითხავი
clock 834

თბილისის მერიის ინფორმაციით, მუნიციპალურმა ინსპექციამ გამოავლინა პირები, რომლებმაც თბილისის სხვადასხვა ქუჩაზე თვითნებურად გააკრეს პლაკატები.

როგორც მერიის განცხადებაში ნათქვამია, რომ სამართალდამრღვევი პირები დაჯარიმდებიან კანონის შესაბამისად. 

"თბილისის მერიის მუნიციპალურმა ინსპექციამ გამოავლინა პირები, რომელთაც  დედაქალაქის სხვადასხვა ქუჩაზე თვითნებურად გააკრეს პლაკატები და დაამახინჯეს ქალაქის იერსახე. სამართალდამრღვევი პირები დაჯარიმდებიან კანონის შესაბამისად. თბილისის მერია კიდევ ერთხელ მოუწოდებს ყველას, დავიცვათ კანონი და გავუფრთხილდეთ დედაქალაქის იერსახეს", - წერია განცხადებაში. 

თბილისის ქუჩებში კრიტიკული მედიის, ოპოზიციური პარტიებისა და სამოქალაქო აქტივისტების წარმომადგენელეთა საწინააღმდეგო პლაკატები გამოჩნდა

პლაკატებზე გამოსახულნი არიან კრიტიკული არხების მედიამენეჯერები, სამოქალაქო აქტივისტები და პოლიტიკოსები. კონკრეტული ადამიანები გამოსახულნი არიან ცისარტყელას ფონზე.

უცნობია, ვისი ინიციატივით დაიბეჭდა და გავრცელდა პლაკატები. ოპოზიციის წარმომადგენლების აზრით, სიძულვილის ენას წინასაარჩევნოდ ყოველთვის აქტიურად იყენებს მმართველი პარტია და აღნიშნული პლაკატების გამოჩენასაც სწორედ ქართულ ოცნებას უკავშირებენ.


close დახურვა