logo
ENG

გახარია: თუ ვიღაცა ვიღაცას ლოგინში უსმენდა, არასდროს მაინტერესებდა

24 სექ 202100:05
3 წუთის საკითხავი
clock 328
გახარია: თუ ვიღაცა ვიღაცას ლოგინში უსმენდა, არასდროს მაინტერესებდა

თბილისის მერობის კანდიდატი, გიორგი გახარია ამბობს, რომ პრემიერობის დროს მოსმენებზე გარკვეულ ინფორმაციას ფლობდა, თუმცა ეს სახელმწიფოს უსაფრთხოებიდან გამომდინარეობდა. როგორც მან TV პირველის ეთერში ისაუბრა, სუს-ის უფროსის ყოფილი მოადგილე და ახლა მისი თანაგუნდელი, ალექსანდრე ხოჯევანიშვილი მოსმენების კურატორი არ ყოფილა.

"მოსმენებს რაც შეეხება, მე გარკვეული წილი ინფორმაცია მქონდა, მაგრამ ყველა ის ინფორმაცია რაც მე მქონდა და ვიცოდი გამომდინარეობდა სახელმწიფოს ინტერესიდან და იქ თუ ვიღაცა ვიღაცას ლოგინში უსმენდა არასდროს მაინტერესებდა და ჩემი ინტერესის სფერო არ ყოფილა არასდროს. თუ ვიღაცის ინტერესის სფერო იყო, წავიდეს და მან აგოს პასუხი", - თქვა გახარიამ.

 

სახელმწიფო უსაფრთხოების სამსახურიდან ფაილებმა 13 სექტემბერს გაჟონა.

ფაილებიდან ირკვევა, რომ ქვეყანაში აყურადებენ და უსმენენ საპატრიარქოს წარმომადგენლებს, მღვდელმსახურებს, პატრიარქის მოსაყდრეს, მონაზვნებს და მათთან დაკავშირებულ პირებს. ჩანაწერების მიხედვით, უსმენდნენ საჯარო პირებს და ჟურნალისტებსა. ასევე, როგორც საელჩოების თანამშრომლებს, ისე უშუალოდ ელჩებს. 

ჩანაწერები 2013-2021 წლებით თარიღდება. 

ჩანაწერის ავთენტურობას ადასტურებენ ის ჟურნალისტები, პოლიტიკოსები და აქტივისტები, რომელთა გვარებიც ჩანაწერებში ფიგურირებს. 

პროკურატურამ, სავარაუდოდ, სუს-ის მერ მომზადებულ ჩანაწერებთან დაკავშირებით გამოძიება კერძო კომუნიკაციის საიდუმლოების დარღვევის ფაქტზე დაიწყო. 

close დახურვა