logo
ENG

მელია: ზუგდიდში ხმები უკანონოდ გადათვალეს და ჩვენი მაჟორიტარი დამარცხებულად გამოაცხადეს

08 ოქტ 202109:36
3 წუთის საკითხავი
clock 781
ფოტო: ვახო ქარელი

ნაციონალური მოძრაობის თავმჯდომარის, ნიკა მელიას განცხადებით, ზუგდიდში ქართულმა ოცნებამ უკანონოდ გადათვალა ხმები და მათი მაჟორიტარობის კანდიდატი პირველივე ტურში დამარცხებულად გამოაცხადა. შედეგად, ენმ-მ ზუგდიდის საკრებულოში ერთი მანდატი დაკარგა. 

"სანამ ყველას გვეძინა, მოხდა შემდეგი: მთელმა საქართველომ იცის, რომ ზუგდიდში ოპოზიციამ დამაჯერებელი გამარჯვება მოიპოვა... გუშინ ღამით ზუგდიდის საოლქო საარჩევნო კომისიაში შეიკრიბა, სრულიად უკანონოდ გადათვალეს ხმები, ასე ქურდულად და ერთ-ერთ ჩვენს გამარჯვებულ მაჟორიტარს, ხმების გადათვლის შემდეგ ჩაუთვალეს პირველ ტურში მარცხი. ქართულმა ოცნებამ ნაციონალური მოძრაობის კანდიდატი ხმის გადათვლის შემდეგ დამარცხებულად გამოაცხადა", - თქვა ნიკა მელიამ ვიდეომიმართვაში, რომელიც მან ზუგდიდიდან ჩაწერა.  

მე-11 ოლქის 53-ე, 54-ე, 57-ე და 58-ე უბნების გახსნის შედეგად ქართულ ოცნებას ბათილი ბიულეტენებიდან 12 ხმა დაემატა. 

მანამდე, ენმ-ს საკრეებულოში 23 დეპუტატი ჰყავდა, ახლა კი - 22.

ამ დროის მონაცემებით, ქართულ ოცნებას 20 დეპუტატი ჰყავს, გახარიას პარტიას 2, ერთი კი გაუნაწილებელი მანდატია.

ენმ-ის ზუგდიდის შტაბის ხელმძღვანელის, ანი წითლიძის თქმით, ოლქი წინასწარ გახსნეს და ამის გამო მიიღეს ხმების ხელახლა გადათვლის გადაწყვეტილება.

წითლიძე ამბობს, რომ ეს სისხლის სამართლის დანაშაულია და ამ საკითხზე პროკურატურას აუცილებლად მიმართავს. 

 

close დახურვა