სომხეთის პრეზიდენტი არმენ სარქისიანი ბათუმში მომხდარი ტრაგედიის გამო მწუხარებას გამოთქვამს და დაღუპულთა ოჯახებს უსამძიმრებს.
"მიიღეთ ჩემი უღრმესი თანაგრძნობა, ქალაქ ბათუმში შენობის ჩამონგრევასთან დაკავშირებით, რასაც შედეგად მოჰყვა მსხვერპლი და დაშავებული. გულრწფელ სიმპათიასა და მხარდაჭერას ვუცხადებ დაღუპულთა ოჯახებს, ხოლო დაშავებულს სწრაფ გამოჯანმრთელებას" - წერს არმენ სარქისიანი ტვიტერზე
Please accept my deepest condolences over the collapse of a building in the city of Batumi, as a result of which there are victims and wounded. My sincere sympathies and support to the families of the victims and wishing the wounded a speedy recovery.https://t.co/BsLVYR29fo pic.twitter.com/ACmw31CpWC
ბათუმში, 26 მაისის ქუჩაზე საცხოვრებელი კორპუსის სადარბაზო 8 ოქტომბრის დილით ჩამოინგრა.
ამ ეტაპზე დასტურდება 9 ადამიანის გარდაცვალება, მათ შორის 3 არასრულწლოვანია. სამძებრო სამუშაოები ამ დროისთვის დასრულებულია.
ერთი გადარჩენილი კაცი საავადმყოფოშია მოთავსებული. მისი ჯანმრთელობის მდგომარეობა გაუმჯობესდა.
შსს-მ ნგრევის საქმეზე I სართულის ბინის მეპატრონე და 2 მუშა დააკავა.
უწყების ცნობით, გამოძიებით დადგინდა, რომ ბათუმში, 26 მაისის ქუჩაზე მდებარე საცხოვრებელი კორპუსის პირველი სართულზე ერთ-ერთი ბინის მფლობელმა ზ.ბ.-მ ბინაში სარემონტო სამუშაოებისთვის ხ.ს. და გ.ს. დაიქირავა.
შსს-ის განცხადებით, ბინის მესაკუთრის მითითებით და უსაფრთხოების წესების უხეში დარღვევით, საცხოვრებელ ბინაში სამშენებლო-სარემონტო სამუშაოები ჩატარდა, რამაც 8 ოქტომბერს საცხოვრებელი კორპუსის ერთი სადარბაზოს ჩამონგრევა გამოიწვია.
ბათუმში მომხდარი ტრაგედიის გამო 11 ოქტომბერი გლოვის დღედ გამოცხადდა.
დახურვა