logo
ENG

ეპისკოპოსმა მელქისედეკმა სააკაშვილის გათავისუფლების მოთხოვნის პეტიციას ხელი მოაწერა

11 ოქტ 202113:37
3 წუთის საკითხავი
clock 1379

მარგვეთისა და უბისის ეპარქიის ეპისკოპოსმა მიხეილ სააკაშვილის გათავისუფლების მოთხოვნით შექმნილ პეტიციას ხელი მოაწერა. 

ფორმულასთან სატელეფონო საუბარში ეპისკოპოსმა თქვა, რომ "პატივი უნდა ვცეთ ინსტიტუტებს". 

"ვადასტურებ, რომ ხელი მოვაწერე [პეტიციას]. ჩვენ პატივი უნდა ვცეთ ყველა ინსტიტუტს. ვალდებულები ვართ, რომ დავიცვათ ასეთი მაღალი თანამდებობის პირები". - ამბობს სასულიერო პირი. 

მისივე თქმით, სასჯელაღსრულების დაწესებულებას 1 კვირის წინ მიმართა განცხადებით, მისცენ ექსპრეზიდენტის მონახულების უფლება. ის ჯერაც ელოდება დასტურს. 

სააკაშვილი მე-11 დღეა, პროტესტის ნიშნად შიმშილობს. გუშინ, ექიმის თქმით მისი ჯანმრთელობის მდგომარეობა დამძიმდა.

ნიკა გვარამიამ დღეს თქვა, რომ მიხეილ სააკაშვილის ჯანმრთელობის მდგომარეობა დამაკმაყოფილებელია.

მიხეილ სააკაშვილმა 1-ლ ოქტომბერს გაავრცელა ვიდეო და თქვა, რომ საქართველოშია, უფრო კონკრეტულად კი - ბათუმში. იმავე საღამოს ის თბილისში, სანზონაში დააკავეს. ექსპრეზიდენტი რუსთავის ციხეშია მოთავსებული. 

close დახურვა