საქართველოს სტატისტიკის ეროვნული სამსახურის ინფორმაციით, 2021 წლის ოქტომბერში ინფლაცია, წინა წლის ოქტომბერთან შედარებით 12.8%-ია, რაც ბოლო 10 წლის განმავლობაში ინფლაციის ანტირეკორდია. წინა თვესთან შედარებით ინფლაციის დონე 1.3%-ია.
საქსტატის თანახმად, წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელი, ტრანსპორტი, წყალი, ელ.ენერგია და აირი, ჯანმრთელობის დაცვა.
გასული წლის ოქტომბერთან შედარებით 2021 წლის ოქტომბერში სურსათისა და უალკოჰოლო სასმელების ჯგუფში შემავალი პროდუქტების ფასები 18.4%-ითაა გაზრდილი. მათ შორის:
ბოსტნეული და ბაღჩეული - ფასები გაზრდილია 43%-ით,
ზეთი და ცხიმი - ფასები გაზრდილია 31.6%-ით,
პური და პურპროდუქტები - ფასები გაზრდილია 19.4%-ით,
რძე, ყველი და კვერცხი - ფასები გაზრდილია 18.2 %-ით,
შაქარი, ჯემი და სხვა ტკბილეული - ფასები გაზრდილია 18%-ით
თევზეული - ფასები გაზრდილია 16%-ით,
მინერალური და წყაროს წყალი, უალკოჰოლო სასმელები და ნატურალური წვენები - ფასები გაზრდილია 13.0%-ით,
ხორცი და ხორცის პროდუქტები - ფასები გაზრდილია 11.2%-ით,
ხილი და ყურძენი - ფასები გაზრდილია 9.3%-ით,
ყავა, ჩაი და კაკაო - ფასები გაზრდილია 6.4%-ით.
გასული წლის ოქტომბერთან შედარებით კი ელექტროენერგია, აირი და სათბობის სხვა სახეები 13.9%-ითაა გაძვირებული.
დახურვა